AGPI

CONSIDERACIÓN SOBRE AS BASES DAS AXUDAS Á CREACIÓN DE BD

webmaster@agpi.es — Sun, 07 Feb 2010 08:37:34 +0100

Tras a recente convocatoria de axudas para a creación de banda deseñada en galego para 2010, a AGPI veu percibindo a inquietude dos nosos asociados e doutros sectores vinculados co mundo da Banda Deseñada, provocada pola redacción certamente mellorable das bases para solicitar as devanditas axudas.
Esta convocatoria era un longo anhelo dos profesionais do sector, e polo tanto queremos recoñecer o esforzo da Administración por querer dar coa orde pubicada no DOG un importante paso na consolidación e o fortalecemento dun medio historicamente esquecido pola Administración e menosprezado pola industria editorial. Non queremos deixar de expresar a nosa firme crenza da necesidade da existencia destas axudas, pero vímonos na obriga de facerlles ver o aos responsables da administración o necesario dunha reforma nas bases publicadas, xa que, segundo foron presentadas, mostran grandes incongruencias coa filosofía intrínseca dunhas axudas á creación e incompatibilidades coa realidade do sector ao que están destinadas, e que fan que estas axudas naceran xa de inicio sen validez real que as avale como axudas significativas á Banda Deseñada Galega. Aínda que é certo que algúns colectivos de relevancia na escena da BD galega fomos consultados dende a Consellería nun intento de elaborar unhas bases consensuadas co sector, a realidade é que as consideracións e argumentacións que lles ofrecemos nesas breves consultas non foron tidas en conta de maneira conveniente e, sobre todo, non se nos remitiu en ningún momento o texto definitivo da orde, polo que nos foi obviamente imposible dar o noso visto e prace a unhas bases con importantes erros de enfoque e de contido, que de seguro teriamos detectado se se nos ofrecese a posibilidade de ler o texto antes da sua pubicación no DOG. Asi pois, o día 03 de febrerio acodimos á reunión convocada pola Concellería coa intención de expresarlles en primeira persoa as seguintes consideracións
En primeiro lugar, a esixencia de posuír unha titulación (calquera que esta sexa) para acceder ás axudas é unha medida claramente excluínte, xa que deixa fóra da posibilidade de solicitar as axudas á grande maioría dos autores de cómic do país, e unhas axudas ao sector, por lóxica, non deberían excluír de inicio a maior parte dos integrantes dese sector. Pero é que ademais o labor de creación é unha tarefa non inherente a ningún tipo de titulación, e sendo a formación dun debuxante de BD de fonda natureza autodidacta e non existindo estudos de ningunha índole que faculten a ninguén para ser autor de BD, entendemos que é totalmente innecesario que se propoña esta clásula restritiva.
Quixeramos matizar neste punto que a AGPI defendeu dende un principio a non necesidade de requirir titulación ningunha, mais foinos comunicado dende a Consellería que o requirimento de titulacións (e entendidas sempre como un dos múltiples baremos de puntuación para a concesión das axudas, e non como unha esixencia “sine qua non”) era un imperativo legal esixido dende o gabinete xurídico da Xunta para a concesión de bolsas. Non obstante, detectamos que no resto de axudas á creación (por exemplo, nas axudas á creación de guións, e noutras axudas ao sector audiovisual) non se require aos solicitantes ningún tipo de titulación, polo que solicitamos a eliminación deste inxusto e innecesario filtro académico.
En segundo lugar, a AGPI entende que a maneira requirida pola Administración para a xustificación por parte dos beneficiarios do diñeiro recibido (punto nove das bases) desvirtúa a esencia mesma das axudas, pois seguindo os criterios de xustificación nomeados nas bases estas deixan de ser axudas á creación de BD e convértense en axudas á edición de BD. Isto non é un detalle menor, pois os autores non son editores, nin está no seu espírito converterse nun deles. Estas axudas foron concibidas para que un autor puidese permitirse traballar na creación dun proxecto grazas a axuda económica que lle reportaría a subvención gañada. Os custos de xeración dunha obra de BD son practicamente nulos: salvo os lóxicos custos de material non existen grandes desenvolsos; as axudas, pois, deberían servir para que os autores puidesen facer fronte ao custo da vida durante o tempo no que estivesen a traballar nos seus proxectos. Mais, se atendemos aos criterios de xustificación descritos nas bases, deberían incluírse facturas polo concepto de edición da obra, co que realmente o destinatario final dos cartos sería unha empesa editorial ou de artes gráficas, e non o autor que creou a obra, e xa que logo serían estas unhas axudas á (auto)edición e non á creación. A AGPI expresou perante a dirección xeral que o ideal sería outorgar unhas bolsas económicas da mesma natureza que as que perciben os bolseiros de calquera profesión, que non precisan de máis xustificación que a obra rematada, pois se interpretan como o soldo que este profesional percibe por realizar o seu traballo durante o seu tempo como bolsado.
Queremos salientar que a AGPI considera que o nacemento destas axudas supón un fito sen precedentes no apoio a un medio de expresión artística de crecente prestixio e recoñecemento social, pero que precisamente por iso as bases da orde deben someterse a unha revisión con carácter de urxencia que palíe o antes posible cunha reforma as carencias coas que naceron nesta primeira convocatoria. E por esta razón, convidamos á Dirección Xeral a tomar en consideración as cuestións que así lles expuxemos.
Tras manter a devandita reunión do día 3, na que estabamos convocados diversos representantes do panorama da BD galega, renovouse a que fora chamada MESA BD, pois dende a administración entenden que esta debe ser un órgano consultivo oficioso, unha ferramenta de diálogo que facilite a comunicación entre o sector e a administración. A AGPI quere manifestar o positivo deste feito, xa que consideramos que para acadar propostas e desenvolvelas coa maior garantía de practicidade, é preciso consultar cos axentes representativos da BD galega. Informóusenos tamén do aumento orzamentario destinado ao cómic (600.000 euros), estas cifras xa foran feitas públicas no seu momento, pero consideramos que é unha cifra moi significativa que valoramos tamén moi positivamente. En canto a nosa solicitude de enmenda inmediata das bases, durante a reunión a dirección xeral comunicounos que están traballando xa na reforma dalgún dos puntos inadecuados das bases para esta mesma convocatoria asi coma a revisión total das mesmas para as próximas convocatorias.: estas modificacións, pendentes so da aprovación da asesoría xurídica, reformarán o punto das titulacións: engadirase unha clausula derogatoria na que se admitirán a trámite as solicitudes de aqueles que pusuan unha titulación, e as dos que teñan algún comic publicado, presentado a algún medio de comunicación ou editorial ou realizado ainda que non fora editado. É dicir, universalizaría o espectro de solicitantes. A modificación foi ben acollida por todos os representantes da mesa, ainda que a AGPI explicitou que sendo este so debe ser un arranxo puntual para as bases desta convocatoria, a cláusula de requerimento de titulacións debería ser completamente eliminada das bases nas seguintes convocatorias.
E en tanto a xustificación legal dos cartos; neste asunto, dende a administración manifestaron que a lei de subvencións é taxativa e moi rixida, e non hai maneira de evitar as condicións de xustificación: os presentes comentamos o inadecuado disa lei para o noso caso. Unha posible solución a isto sería a trasformación das axudas en premios (cousa que xa se propuxera ata en duas ocasións e fora descartada), pero haberá que esperar á proxima convocatoria para iso. Asi pois, a AGPI valora moi positivamente o achegamento da administración aos representantes do sector da BD, asi como o seu recoñecemento do inapropiado das bases e o seu intento de arranxalo na medida do posible nesta e nas próximas convocatorias, polo que os animamos a seguir traballando en prol da defensa dun medio de expresión históricamente carente de protección e que a pesar diso convertiuse gracias ao bo facer dos autores galegos nun referente no panorama nacional.
Finalmente, queremos manifestar que na procura dun beneficio real dos autores galegos, esta asociación que eu presido ofrécese a colaborar coa Consellería no que sexa mester para a mellora da saúde do panorama da ilustración e a BD galegas.

Santy Gutiérrez
Presidente da AGPI

III premio compostela de album ilustrado

webmaster@agpi.es — Thu, 28 Jan 2010 11:25:40 +0100

A Concellería de Educación e a editorial Kalandraka abren unha nova convocatoria do Premio Internacional Compostela para Álbums Ilustrados. O premio son 12.000 euros en concepto de adianto polos dereitos de autor.
O prazo de presentación dos traballos rematará o 26 de febreiro de 2010 e o fallo do xurado darase a coñecer o 2 de abril, coincidindo co Día Internacional do Libro Infantil e Xuvenil, e no marco das actividades da X Campaña de Animación á Lectura que organizan o Concello e Kalandraka.

O Premio Compostela está dirixido a autores e ilustradores de calquera nacionalidade que presenten obras orixinais e inéditas. As persoas interesadas en presentarse ao certame deberán enviar cinco copias do texto en calquera das linguas oficiais da Península Ibérica, tres ilustracións orixinais e cinco fotocopias en color de cada unha delas, xunto cunha maqueta impresa de todo o proxecto. O material, asinado baixo lema ou pseudónimo, enviarase ao Rexistro Xeral do Concello de Santiago.

As bases poden consultarse aqui, y el resto de la información aquí.

Nuria Díaz galardonada con el Premio Pura e Dora Vázquez

webmaster@agpi.es — Tue, 26 Jan 2010 17:56:38 +0100

Nuestra socia Nuria Díaz, ha sido galardonada con el VII Premio Pura e Dora Vázquez, que convoca todos los años la Diputación de Ourense, en la categoría de ilustración. La ganadora del premio ha ilustrado por medio de 10 imágenes, el texto de Xoán Babarro, Palabra era un universo paralelo, ganador del premio literario del mismo concurso. La ilustradora ha utilizado las texturas como el recurso principal de su obra, creando ese particular mundo mágico que nos ofrece el autor del texto.
La dotación económica del certamen es de 3.000€ y despues de la resolución de estos premios en las dos modalidades de ilustración y narración, la Diputación de Ourense procederá a la edición de la publicación, que se utilizará en una campaña de animación a la lectura.

Sobre a convocatoria de axudas á creación da BD.

webmaster@agpi.es — Tue, 26 Jan 2010 15:32:00 +0100

Perante a polémica suscitada pola publicación no Diario Oficial de Galicia da convocatoria de axudas para a creación de banda deseñada, a Asociación Galega de Profesionais da Ilustración quere manifestar que non avala dita convocatoria. Aínda que formamos parte, xunto con outros colectivos, da comisión que puxo en marcha a iniciativa e estivo a disposición da Administración naquelas cuestións que lle foron suscitadas no decurso do proceso de tramitación de ditas axudas, o documento final non responde ao que esta asociación propuxera ante a administración; e dado que AGPI nin tivo acceso ao texto completo da orde antes da súa publicación, nin participou na redacción das mesmas, en ningún caso podería avalar oficialmente o contido da orde.
As bases finais redactadas polo gabinete da consellería de Cultura e publicadas no DOGA non son o que nós esperabamos, polo que estamos sensiblemente decepcionados. A AGPI polo tanto, como colectivo, participa da inquietude dos seus membros, que se resume fundamentalmente nos seguintes puntos:

A esixencia de titulacións: o quid da cuestión, e ao noso entender o que fai que este sexa o punto máis polémico da orde. Non é so que dende a administración se requiran unhas determinadas titulación aos creadores de BD, senón que este será un criterio imprescindible para a consecución das axudas, e non un mais dos baremos de puntuación para o acceso a unha bolsa. Este requisito invalida á meirande parte dos creadores de BD galegos, e polo tanto ao seren excluinte non poden ser aceptadas coma axudas válidas para o sector.

Xustificación de gastos: a petición de xustificar os cartos recibidos trasforman a idea inicial de ofrecer bolsas á creación dun proxecto a convertilas en subvencións á edición dese proxecto.

Outros puntos discutibles son a precariedade nos plazos nos que deben ser presentados os materiais.

Proximamente celebraremos unha reunión de directiva e outra reunión cos responsables da dirección xeral da Xunta na que debatiremos este asunto, e con posterioridade a esas reunións a AGPI fará unha análise mais polo miudo do sucedido.

Santy Gutiérrez,
Presidente da AGPI

Audiocontos de Galaxia

webmaster@agpi.es — Wed, 20 Jan 2010 17:04:49 +0100

Os sete cabuxos (adaptación de Xesús Carballo Soliño, ilustracións de Enjamio), Branca de neve e os sete ananos (adaptación de Ánxela Gracián, ilustracións de Ánxeles Ferrer), O galo Quirico (adaptación de Xavier Senín, ilustracións de Noemí López) e Os catro amigos (adaptación de Xesús Carballo Soliño ilustracións de Kristina Sabaite ) son os catro primeiros títulos escollidos pola editorial “Galaxia”para presentar a colección ‘Audiocontos’.
Os audiocontos son unha fermosa proposta que conxuga a literatura de sempre cunhas versións dramatizadas, en CD, a cargo destas dúas coñecidas voces da dobraxe galega, baixo da dirección de Tero Rodríguez. Estes primeiros audiocontos permitirán, sen dúbida, achegar as historias que coñecemos de toda a vida doutra maneira aos máis pequechos da casa.
Non se tratan de simples narracións, senón dunha proposta artística diferente e ao mesmo tempo complementaria ao libro. Os efectos de son, as músicas escollidas e a interpretación, fan destes audiocontos un produto novidoso que ensaiamos agora en galego e do que estamos certos que terán unha boa acollida. Ademais, os CDs ábrense e péchanse cunhas animadas cancións que serven de pórtico e epílogo perfecto a unha das cousas máis marabillosas que hai: que alguén nos conte un conto.

PREMIOS FERVENZAS LITERARIAS 2009

webmaster@agpi.es — Tue, 19 Jan 2010 16:37:57 +0100

Acaban de darse a coñecer os premios Fervenzas Literarias, que otorga o blog do mesmo nome e que é unha das referencias da literatura galega na rede.
Entre os premiados deste ano lévase o premio ao mellor ilustrador David Pintor seguido de outros socios da AGPI como Xosé Cobas, Enma Ríos ou Manel Cráneo.
Ademáis o mellor libro infantil foi para novela Chamádeme Simbad, escrita por Francisco Castro e ilustrada por Manel Cráneo.
Entre as 5 mellores cubertas tamén nos encontramos a cuberta de Patricia Castelao para O sombreiro do Chichiriteiro e de novo a David Pintor (A peripecia de Roi) e Manel Cráneo (Chamádeme Simbad).
Noraboa a todos!!

15 Feira Laica en Lisboa

webmaster@agpi.es — Tue, 15 Dec 2009 08:40:16 +0100

Este fin de semana, en Lisboa, se celebra la 15 Feira Laica en el espacio de la Fábrica Braço de Prata. El sábado estará abierta de 18 a 24 h. y el domingo desde las 15 h. hasta las 21h.

Más información en www.feiralaica.com

Monadas, ilustrado por Jaime Asensi

webmaster@agpi.es — Sun, 13 Dec 2009 08:04:02 +0100

La Editorial zaragozana Libros del Innombrable acaba de editar el libro de poemas MONADAS de Luce Moreau Arrabal ilustrado por Jaime Asensi. Poemas todos dedicados a los animales. Colección Sarastro. Edición bilingüe en francés y castellano

Terceira entrega dos Megatoxos

webmaster@agpi.es — Sat, 12 Dec 2009 08:16:22 +0100

Despois de vender 20000 exemplares dos dous primeiros volumes da saga dos Megatoxos, o noso socio Anxo Fariña, presenta o terceiro libro desta colección: Os Megatoxos e os Templarios da Luz. Unha novela xuvenil con moita acción e intriga na que o noso socio asina tanto o texto como as ilustracións. Máis información nas webs: www.megatoxos.com e http://introterrestres.blogspot.com

MIL COUSAS PODEN PASAR EN VIGO

webmaster@agpi.es — Thu, 03 Dec 2009 12:55:05 +0100

Preséntase en Vigo a obra gañadora do premio Merlín 2009: Mil Cousas Poden Pasar de nuestro socio Jacobo Fernández Serrano.

O acto, que contará coa participación de Chus Pereiro, Helena Pérez e Jacobo Fernández Serrano, terá lugar o vindeiro xoves, 10 de decembro, ás 20,00 horas na Libraría Librouro, rúa Eduardo Iglesias, 12