AGPI - Asociación Galega de Profesionais da Ilustración

Hansel y Gretel
Dani Padrón

Buscador de Ilustradores

Listado de ilustradores

Noticias

I Debate sobre o Estado da Ilustración

14/06/2013

Deseño e ilustración do cartel: Bernal Prieto


O sábado 22 de xuño, ás 10:30 h, no ‪Centro Cultural Novacaixagalicia en Santiago (rúa do Vilar 19, 15705 Santiago de Compostela) os ilustradores estamos convidados a asistir ao primeiro Debate sobre o Estado da Ilustración, que organiza a AGPI nun panorama especialmente complexo e cambiante para a profesión.

Dirixirá o faladoiro Manel Cráneo, e varios convidados achegarán a súa experiencia en distintos ámbitos. Contarase, así, coa voz de autores experimentados e tamén dos que comenzan a súa andaina: Marina Seoane, David Pintor, José Domingo e Yago García.

A intención é que entre convidados e público se faga unha análise da situación da profesión dentro do contexto da crise económica, e se trate de definir estratexias para combater a crise que golpea o sector.

Manel Cráneo abrirá o debate falando da problemática do sector na actualidade, facendo un balance dos avances conseguidos polos profesionais da ilustración nos últimos quince anos e dos beneficios e consecuencias disto; fará fincapé no valor económico da ilustración e nas boas prácticas profesionais. Marina Seoane reflexionará sobre se se pode vivir exclusivamente do mercado da ilustración infantil, e sobre a evolución de dito mercado e a situación actual. José Domingo repasará a situación do mercado da BD na actualidade, nos ámbitos estatal e internacional, e tratará de facer un prognóstico de futuro. Yago García, pola súa parte, falará da integración das novas xeracións de autores no mercado laboral, e das consecuencias e beneficios de ser un autor novel. David Pintor, da promoción dos ilustradores no mercado exterior como alternativa ao mercado estatal, e comentará algúns consellos e pautas para «emigrar intelectualmente». Finalmente, abrirase a debate o exposto e establecerase un foro aberto para a procura de solucións de cara a superar a crise económica no sector da ilustración.

A actividade, de entrada libre e gratuíta para todo o público interesado, durará ata o final da mañá.

1 comentarios nesta noticia:

cuentospersonalizados www.cuentospersonalizados.me/
04/03/2016

Nos gusta mucho como ilustra Marina Seoane. Aunque estas jornadas fueron hace ya tiempo, ¿sería posible recuperar los materiales que se repartieron? Muchas gracias!