AGPI - Asociación Galega de Profesionais da Ilustración

Cantigas para aprender a soñar
Minia Regos Sanz

Buscador de Ilustradores

Listado de ilustradores

Noticias

ENCONTRO DE PROFESIONAIS DE CÓMIC E ILUSTRACIÓN EN SANTANDER

08/10/2016



Desde Euskal Irudigileak Apie (Asociación Profesional de Ilustradores de Euskadi) en colaboración coa Librería Nexus (Santander) e a librería Joker (Bilbao), convidannos a asistir ao 1er CONGRESO EN SANTANDER DE PROFESIONAIS DE CÓMIC E ILUSTRACIÓN, que se celebrará o 22 de outubro no Palacio da Magdalena de Santander.

A finalidade do congreso é facer un analise da realidade da ilustración no noso país, ademáis de dar a coñocer aos asistentes a forma de desenvolver profesionalmente a actividade no mundo do cómic, achegandolles aos diferentes axentes que interveñen na edición.

Contarán coa presenza de editores internacionais (Greg Lockart, de DC Cómics) como nacionais ( Fernando Tarancón, Astiberri; Ricardo Esteban, Dibbuks), así como axentes asentados no cómic americano como Edu Alpuente e Alberto Garrido.   

O Premio Nacional de Ilustración, José Ramón Sánchez, dará unha charla, ademáis de contar cunha exposición dos seus libros ilustrados. Tamén se fará mención a iniciativa de Estrella Galicia no seu 110 aniversario, na que aposta polos autores de cómic e ilustración.

A asistencia ao Congreso é gratuita para todos os ilustradores e ilustradoras que o soliciten, antes do 17 de outubro, enviando un correo  info@euskalirudigileak.com, indicando nome, apelidos, email e teléfono móbil de contacto.

Trataranse, ademais, temas que preocupan aos profesionais como a asesoría fiscal, con Emilio Gonzalo Maio, os dereitos de autor na era dixital con deloyers.com, os micromachismos no cómic con Carla Berrocal, Como vivir (con saúde) do cómic con David Enebral, que nos contará a súa experiencia en Marvel Cómics, as verdades e mentiras do mundo da distribución, con representantes de SD distribucións e a educación postural e técnica de traballo con Iñaki Zubizarreta.

Máis información >> http://euskalirudigileak.com/1er-congreso-en-santander-de-profesionales-de-comic-e-ilustracion/

MAZOKA: 2º MERCADO DE DEBUXO E ILUSTRACIÓN en Vitoria-Gasteiz

08/10/2016



O colectivo Ilustrapados en Araba volve a organizar Mazoka, que terá lugar novamente no antigo Depósito de Aguas de Vitoria-Gasteiz, do 16 ó 18 de Decembro.

Están buscando debuxantes para participar de forma gratuíta no mercado, coma o espazo limitado farán unha selección de 40 MAzokALAris. Os participantes poden ser profesionais ou non, locais ou de ámbito nacional e internacional, que traballen nos campos da ilustración, cómic, deseño, artesanía ou animación.
Durante os días previos á feira, o 14 e 15 de Decembro, inauguraranse dúas exposicións de Ilustración e se celebrarán as primeiras xornadas profesionais de Ilustración, coa presenza dun Premio Nacional de Ilustración. Durante a fin de semana e no desenvolvemento propio do festival gráfico Mazoka, se levarán a cabo distintas actividades paralelas relacionadas co mundo do debuxo e a ilustración, como obradoiros, o ilustramatón, intervencións e varias actuacións.

O prazo de inscripción remata o 16 de outubro. Podedes atopar máis información e formulario de inscripción en >> http://ilustrapados.org

Chega o Autobán 2016!

11/08/2016



Xa queda moi pouquiño para o Autobán!
Autobán é o minifestival de autoedición de Coruña, que este ano celebrarase en Nave 1839 desde a tarde do venres 12 de agosto á noite do sábado 13.

Venres 12
> O venres comeza co BRILÉ BRUTAL, un mundialillo do popular xogo, entre os participantes no Autobán e aqueles que queiran apuntarse (enviando correo a autoban.bd@gmail.com).

> A continuación AUTOCINE e AUTOBOMBO, actividades que irán intercaladas. O AUTOCINE será unha sesión de curtos de animación na que contamos con "Viaxe a pés" (2015) de Khris Cembe, "Astigmatismo" de Nicolai Troshinsky e Decorado (2016) de Alberto Vázquez, que fará unha presentación do seu curto.
O AUTOBOMBO son unha serie de presentacións rápidas a cargo de diversos participantes no Autobán, en formato 15x15 (15 imaxes por presentación, 15 segundos por imaxe).

Sábado 13
> O sábado comezase o MERCADILLO DE FANZINES ás 12:00, que se prolongará ata as 21:30.

> Ás 13 H. se celebra o MINIBÁN, unha actividade para todos os públicos, e especialmente para a chavalada. Consistirá nesta ocasión en tres microconciertos de bandas locais adaptados especialmente para público infantil.

> A partir das 14 H. haberá SESIÓN VERMÚ, DUELO DE DJs e COMIDA ECONÓMICA. Podedes comer no Autobán e gozar de boa música nun duelo épico de Miss Gozamales VS Beaal.
> Ás 17 H. PRESENTACIÓN de Guía Ninja de AGPI, a cargo de Alberto Guitián.
> Ás 18 H. MESA REDONDA Non nos mires, úneche!: Cultura alternativa e autogestión, con Sara Roca (Nave 1839), Miguel Porto (Bosquexo), Tonecho Otero (Freakemacine), Bernal Prieto (Autobán), moderados por Sira González.
> Ás 20 H. COMITÉ DE SABIOS Reunión no cume: revista de actualidade sobre BD con Emma Ríos (autora de cómics), Simón Branco (libreiro do Sindicato do Cómic), Señor B (crítico en Metrópoles Delirantes). Modera Óscar Iglesias.
> A partir das 22:30 comezará o COMBATE DE DEBUXANTES

>> Todas as actividades son gratuítas e de entrada libre.
>> Podedes consultar a programación completa do Autobán 2016 nesta ligazón

Presentación de "Manual de escola", de Xosé Tomás

11/08/2016

Este xoves, 11 de agosto ás 18h, o noso socio Xosé Tomás presenta o seu libro "Manual de escola" nos Xardíns Méndez Nuñez de Coruña, no marco de Viñetas desde o Atlántico, acompañado de Javier Pintor (profesor de literarura, crítico literario e colaborador de prensa e radio)

Ademáis, Xosé Tomás está a impartir obradoiros de BD para nenos e maiores na Rúa da BD:
> Mércores 10, ás 11h (maiores 12 anos)
> Mércores 10, ás 12.30h (menores 12 anos)
> Venres 12, ás 11h (maiores 12 anos)
> Venres 12, ás 12.30h (menores 12 anos)

Faladoiro de Antonio Seijas na Biblioteca Forum

07/06/2016

O noso socio Antonio Seijas, ilustrador e autor de banda deseñada, participará nun faladoiro dentro das actividades incluídas na programación da mostra bibliográfica IlustrArte.
Neste faladoiro, fará un recorrido sobre a súa obra, aportando imaxes dos seus traballos, tanto cubertas de discos, libros, literatura infantil e xuvenil e pintura, coma dos seus últimos proxectos, así como do proceso de creación dos seus álbums de banda deseñada: “Un Hombre Feliz” (Premiado no Certame Castelao da Deputación da Coruña e Premio ao mellor guión no Saló de Cómic de Barcelona por votación popular), “Cartas de Inverno” adaptación da obra de Agustín Fernández Paz e Premio Isaac Diaz Pardo ao mellor libro ilustrado en Galicia 2012 pola Asociación Galega de Editores, e “A LUZ” Nomeada a Mellor Obra Española do 2014 nos Premios Expocómic. Ademáis responderá a todas as cuestión que os asistentes lle expoñan.

Entrada é gratuita e ata completar aforo.
8 de xuño, 19 h.
Biblioteca Forum - Rúa Río Monelos, 1 - A Coruña

O oficio de ilustrar: encontro con Carme Solé

12/04/2016

A ilustradora e pintora barcelonesa Carme Solé Vendrell será a protagonista dunha charla-encontro que, co lema “O oficio de ilustrar”, se celebrará este xoves ás 18.30h na Galería Sargadelos de Santiago, no marco da XVI Campaña Municipal de Animación á Lectura.
Carme Solé falará da súa ampla traxectoria artística: máis de 700 títulos, entre álbums e libros de texto, publicados internacionalmente; participación en diversas exposicións; colaboracións en proxectos de escenografía; ademáis  de impartir cursos de ilustración en Europa, América e Asia. Cabe destacar o Premio Nacional de Ilustración que recibiu en 2013, polo conxunto da súa obra.

Carme Solé visitará a exposición de ilustracións, libros e instalacións artísticas da Campaña “Contos para despois da chuvia”, na que se pode ver unha selección de imaxes do seu álbum “A lúa de Xoán”, publicado por Kalandraka. Publicado orixinalmente en 1982, trátase dun dos traballos máis importantes na bibliografía desta autora, por ter marcado a súa proxección internacional.

“A lúa de Xoán”, aborda o temor á morte e a forma de afrontalo. Esta é unha das cualidades que sobresaen da súa produción editorial: a reflexión -a través da ilustración e da literatura- sobre temas profundos como a soidade, a tristura ou a perda dun ser querido; un interés que responde ao compromiso da autora por falarlles aos nenos e ás nenas sobre os seus medos e darlles respostas que non atopan nos adultos.

AUTOBOM [Festival de autoedición e BD de autor]

18/03/2016

Hoxe comeza AUTOBOM na Coruña, festival invernal de autoedición e BD de autor!
A continuación tedes un resumo da programación, podedes consultar máis información aquí.

As actividades do venres 18 de marzo terán lugar en Nave 1839, situada na estación de trens, e as do sábado 19 de marzo na Maleta, bar situado na rúa Orzán, 170.

VENRES 18 de marzo | en Nave 1839

> 19:30 | ENCONTRO DE FANZINERXS

> 20:00 | PROXECCIÓN e PRESENTACIÓN | Sangre de unicornio (entrada libre e gratuíta)

> 21:00 | CONCERTOS ILUSTRADOS | Hongo e Mano de obra
Actuacións musicais de Hongo e Mano de obra, amenizadas por debuxos en directo de distintxs debuxantes galaicos: Luis Sendón, Silvia Blackened, Paula Fraile e Martín Romero.
A entrada da actividade é de 5€
; a recadación será integramente para os grupos. Tamén venderánse rifas sorteando as obras realizadas, os ingresos axudarán a pagar os custos do Autobom.

> CASETA DE FANZINES

SÁBADO 18 de marzo | na Maleta

> 12:30 - 21:30 | MERCADILLO DE FANZINES e cómic de autor

> 12:30 - Peche | EXPO EXPRÉS | Cúbreme de cartos
Exposición interectiva de venda de obras de Jano.

> 13:15 | MINIBÁN CON TATI
O Minibán consistirá nun contacontos a cargo de Tati, que combinará a narración con ilustración.

> 17:30 | AUTOLAB
Coa axuda da xente de LabOu, faranse unha serie de exercicios de estilo, exercicios divertidos que permiten facer un cómic entre varias persoas de forma rápida, amena e colaborativa. O resultado publicarase na web e redes sociais de Autobán, e seguramente tamén nun futuro Autozine, o fanzine do Autobán.

> 19:30 | PRESENTACIÓN | Permanezan en sus asientos
Permanezan en sus asientos é un cómic editado por Fosfatina Ediciones e debuxado por Jano, con maquetación e deseño de Cristo Aleister.

> 20:15 | MESA REDONDA | Animal Collectives: autoedición como experiencia colectiva
Participan Álvaro López (Polaqia e Altar Mutante), Xulia Pisón (Miñoco), Rubén Romero (Fosfatina) e Alejandro Gaudino (Taiga, Cabeza de Corte Aéreo). Modera Kike Benlloch.

> 23:30 | FESTA POLAQA
Polaqia foi un colectivo de 12 autorxs que conseguiron estender o seu proxecto editorial autogestionado ao longo dunha década, con 16 números publicados do seu fanzine Barsowia, aos que habería que sumar outros títulos de autores diversos. A modo de peche deste Autobom organizaremos unha festa onde non faltará a diversión, o picoteo, os sorteos e máis sorpresas, todo amenizado con boa música e polaqos.

>> ACTIVIDADE EXTRA | Exposición “Estraños Desenhos”
Mglon presenta a exposición de debuxos “Estraños Desenhos” no Ledicia Bar, xusto á beira da Maleta. A exposición pode visitarse desde o 5 de marzo ata o mes próximo.

Todas as actividades son gratuítas e de entrada libre, salvo o Concerto ilustrado que custará 5€ (a recadación irá destinada aos grupos).

AGPI participa nos ‘Encuentros’ de APIM

25/02/2016

A Asociación Profesional de Ilustradores de Madrid (APIM) organiza para este venres e este sábado, dí­as 26 e 27 de febreiro, unha nova edición (a número trece) dos seus Encuentros con Ilustradores Profesionales, que nesta ocasión contan con presenza doutras asociacións de ilustradores, como a AGPI.

Os Encuentros terán lugar no Museo Abc (Amaniel, 29, 28015 Madrid), e comezarán mañá ás 17:30 cunha mesa redonda titulada «Mirando desde el otro lado», na que falarán tres profesionais do mundo da dirección artí­stica publicitaria e editorial: Juan Pacheco, de Essencial Prod; Fernando Agresta, de Edelvives, e Pep Huertas, de McCann Barcelona.

O sábado a xornada iniciarase ás 11:00 cunha sesión de revisión de portafolios (para a que xa está pechado o prazo de inscrición), cos ilustradores Riki Blanco, Juan Díaz-Faes, Alé Mercado, Mar Blanco e Enrique Lorenzo. Despois, ás 12:30, proxectarase en exclusiva o filme Vivir para dibujar, dibujar para vivir, documental sobre a realidade do cómic en España, en que APIM participou como produtor asociado na súa campaña de crowdfunding. Xa pola tarde, ás 16:00 presentaranse os resultados da Encuesta Nacional de Ilustración «Usted está aquí», coordinada pola APIM nas últimas semanas. Ás 16:30 será o momento da mesa redonda «Viajar acompañado: la función de las asociaciones de ilustradores en la actualidad», na que participarán Alé Mercado (responsable de relacións internacionais de Illustrators Ireland), Miguel Gallardo (presidente de APIC), Raquel Cuenca (presidenta de APIM) e Sergio Covelo (presidente da AGPI).

A AGPI participa nas actividades do
Día da Ilustración

27/01/2016


Cartel do Día da Ilustración, a cargo de Jaime Asensi

Este sábado, día 30, celébrase en Galicia o Día da Ilustración, con diversas actividades en diferentes puntos ao longo de varios días. Así, mañá, xoves 28, presentarase na Biblioteca Pública Ánxel Casal (Av. de Xoán XXIII, s/n, 15704 Santiago de Compostela) o catálogo da AGPI Novas olladas sobre os clásicos universais, xunto co proxecto Guía Ninja do Ilustrador. O acto, que será ás 19:00, contará coa presenza dos directivos María Álvarez Hortas e Sergio Covelo e mais o secretario xeral de Cultura, Anxo Lorenzo.

O sábado a AGPI buscará que as redes estean cheas de ilustración, e por iso convida a que os ilustradores e ilustradoras muden a súa imaxe de perfil por un autorretrato, ou compartan unha imaxe deste, baixo o hashtag #nosilustramos.

Poden verse aquí todas as actividades programadas pola Xunta co gallo do Día da Ilustración.

Foro de Deseño FEED 2015

03/11/2015

A Asociación Galega de Deseñadores (DAG) organiza para os días 20 e 21 de novembro a terceira edición do seu foro bienal de deseño, FEED 2015. Terán lugar no auditorio de Expo Coruña e mais na Fundación Luís Seoane, na Coruña, e contarán con charlas e talleres a cargo de Massimo Menichinelli, Pepe Barro, Miguel Sabel, Óscar Otero, Javier Cañada, Marta Verde, Álvaro Valiño e Raquel Pelta.

Existen varios tipos de entrada (dependendo do número de charlas ou talleres a que se queira asistir), e os socios da AGPI gozan da tarifa reducida en todos os casos.

Máis información, na nota de prensa da presentación do foro.