AGPI - Asociación Galega de Profesionais da Ilustración

Calendario CEO 2011
Bernal Prieto

Buscador de Ilustradores

Listado de ilustradores

Noticias

Presentación oficial da curtametraxe DECORADO, de Alberto Vázquez

21/01/2017

Presentación oficial na Coruña da curtametraxe "DECORADO" do noso socio Alberto Vázquez.

Tras o seu paso por festivais como Cannes, Annecy ou Toronto cultivou máis de 20 premios internacionais e o 4 de Febreiro competirá nos premios Goya como mellor curtametraxe de animación.

Ademais falaranse de proxectos en marcha como a nova longametraxe de Alberto, "Unicorn Wars" e outras sorpresas. Nesta especial presentación contaremos coa presenza de Alberto Vázquez e da produtora Chelo Loureiro, así como a de xente do equipo como o músico Victor García ou os artistas Martín Romeu e Giovanna Lopalco.

:: Sábado, 22 de Febreiro ás 17:30 h. no edificio da Domus (Rúa Ángel Rebollo, 91 - A Coruña)

Decorado, de Alberto Vázquez no Festival de Cannes

21/04/2016

A última curtametraxe de animación, Decorado, de Alberto Vázquez, é unha das 11 curtametraxes seleccionadas na Quincena de Realizadores del Festival de Cannes, que ten lugar do 11 ó 22 de maio. Esas serán as datas do estreo mundial da curtametraxe, no propio festival.
Tamén foi elexida para participar no Festival de animación de Annecy (Francia), que terá lugar do 13 ó 18 de xuño.
Así mesmo, a súa única largometraxe, Psiconautas (codirixida con Pedro Rivero), basada na novela gráfica de mesmo nome, escrita e ilustrada polo propio Alberto, se estreará no Festival de Cans (O Porriño)

Tucho Fernández Calo presenta ‘FullBlast’

15/10/2014

FullBlast é o título deste videoxogo «de corte clásico pero con tecnoloxía actual», en palabras dos seus creadores. Desenvolveuno o equipo formado polo programador Alejandro Pérez e o noso socio Tucho Fernández Calo, que se encargou de todo o capítulo gráfico, desde a dirección artística ata a creación dos modelos.

O xogo está dispoñible para móbiles e tablets en versión para iOS e para Android, e pode encontrarse en inglés, castelán e catalán, aínda que está prevista tamén unha versión en galego. O primeiro nivel é gratuíto, e o xogo completo custa 1,79 euros.

Tucho publicou moito material gráfico sobre o proceso de creación do xogo neste fío do foro Polycount.

Lucía Gómez presenta a versión animada de «Micho Pocho»

05/06/2014



O estudio Algarabía Animación estrea hoxe, con motivo do Día Mundial do Medio Ambiente, unha peza de animación «para fomentar os bos hábitos en torno ao consumo responsable e a reciclaxe», inspirada neste caso polo feito de a ONU ter dedicado o día este ano ás consecuencias que sofre a poboación das illas a causa do quecemento global.

O vídeo, de dous minutos de duración, ten como protagonista o personaxe Micho Pocho, creación da nosa socia Lucía Gómez.

Jorge Peral deseña os gráficos
do videoxogo ‘ESC.’

08/04/2014

O noso socio Jorge Peral participou, no marco do festival Familiar Game Jame —un maratón de 72 horas dedicado a facer videoxogos—, na realización dos gráficos do xogo ESC. O xogo, que utiliza o estilo pixel art para os gráficos, está producido por Gazpacho Games e pode experimentarse gratuitamente en liña.

No seu blog, Jorge Peral explica todo o proceso de creación de personaxes, fondos e animación, e a experiencia que supón o reto de traballar con ese límite de tempo.

Grande éxito do IX Encontro

29/10/2012

Cunha afluencia de máis de 80 persoas, as actividades abertas ao público da novena edición do Encontro Galego de Ilustración foron consideradas un éxito por parte da organización. Ao longo das catro charlas da mañá, repasáronse os distintos tipos de animación, desde a óptica das pequenas e das grandes producións, coa presenza de relatores de primeira liña.

Na fotografía pode verse a maioría dos asistentes, no tradicional «Fotomatón» realizado por Óscar Villán. Nesta ligazón pode verse noutros tamaños, ademais doutras fotografías da xornada, da autoría de Pinturero.

Mañá, o IX Encontro Galego de Ilustración

26/10/2012

Mañá, sábado 27, a partir das 10:00, no Centro Cultural Novacaixagalicia en Santiago (rúa do Vilar 19, 15705 Santiago de Compostela), tendrá lugar o noveno Encontro Galego de Ilustración, que este ano estará dedicado ao mundo do cinema de animación e terá como convidados a David Rubín, Alberto Taracido, Virginia Curiá e Tomás Conde, Alberto Vázquez e Julián Romero.

As actividades matinais son de entrada libre e gratuíta. Máis información, aquí.

Chega o noveno Encontro Galego de Ilustración

15/10/2012

O Encontro Galego de Ilustración, que desenvolve cada ano a AGPI, acada a súa novena edición o próximo sábado 27 de outubro. Como é habitual, a xornada decorrerá no Centro Cultural Novacaixagalicia en Santiago (rúa do Vilar 19, 15705 Santiago de Compostela).

Os actos da mañá (a partir das 10:00 h) serán abertos a todo o público interesado, e estarán compostos por charlas e mesas redondas sobre cuestións que atinxen ao mundo dos ilustradores, con relatores de primeiro nivel; este ano, a temática que percorrerá toda esta parte do Encontro será a do cinema de animación, que desperta cada día máis interese na profesión. Así, o mundo da animación 3D será tratado polos ilustradores David Rubín e Alberto Taracido; o da animación stop motion correrá a cargo de Virginia Curiá e Tomás Conde (da produtora Algarabía Animación); acerca da animación en 2D falará o ilustrador Alberto Vázquez (do que se proxectará a súa premiada curtametraxe Birdboy); e finalmente Julián Romero, deseñador de produción do filme Planet 51, falará sobre a dirección de produción nunha longametraxe de animación.

Contra as 14:20 terá lugar na praza da Quintana o tradicional «Fotomatón» con todos os asistentes ao Encontro, e a partir de entón comezarán as actividades reservadas aos socios da AGPI: o «Xantar de confraternización» no restaurante O Dezaseis, e mais a Asemblea xeral de socios, de volta no centro cultural Novacaixagalicia, a partir das 17:30 h.

Como colofón á xornada, desde as 22:00 h celebrarase no bar Mercromina (rúa de San Pedro 9, 15703 Santiago de Compostela) a festa de presentación do fanzine Compota de Manatí, a cargo do Colectivo Miñoco.

O programa completo pode consultarse aquí.

Preparado o primeiro Ilustranoite

21/08/2012

O Curso AGPI de Cor dixital, que terá lugar no Centro Ágora coruñés este sábado 25 —con máis de medio centenar de alumnos, unha vez pechado o proceso de inscrición—, incluirá, para finalizar a xornada, o primeiro Ilustranoite. Trátase dun formato de presentacións multimedia de varios profesionais de diversos campos da ilustración, organizado tamén pola AGPI. A entrada será libre, aberta a todo o público.

Este Ilustranoite decorrerá na cervexaría Penique (rúa Gómez Zamalloa 1, 15005 A Coruña), o sábado a partir das 23:59 h, coa presentación de traballos de ilustración, cómic, animación e humor gráfico de forma breve e áxil, ao estilo dos pecha kucha. Estarán presentes coas súas presentacións Lola Lorente, Manel Cráneo, Iván Mouronte, o Colectivo Miñoco, Guitián, Fran Calvelo, Alberto Vázquez, Giovanna Lopalco, Xurxo G. Penalta, Luis Usón, Martín Romero, Ghosttthead e Marina Seoane.

‘Area fai seis’, premiada co Mestre Mateo á obra interactiva

30/04/2012

Finalmente, a obra Area fai seis, o conto escrito por Araceli Gonda e ilustrado na súa versión en papel (e posteriormente animado tamén na súa versión interactiva) por María Noel Toledo, recibiu o pasado sábado o Premio Mestre Mateo á Mellor obra interactiva do ano, outorgado pola Academia Galega do Audiovisual. A aplicación interactiva pode descargarse gratuitamente desde a páxina do Instituto Galego de Consumo, co título «Dálle a volta (conto)».