PROGRAMACIÓN
Sábado 14 de novembro
10:00 | Presentación
10:05 – 11:20 | Charla de Javi de Castro
“MÁIS ALÓ DO JPG”
11:30 – 12:45 | Charla de Susy Broullón
“VIDEOXOGOS E MANGA: PÓDESE VIVIR DISO?”
12:55 – 14:10 | Charla de Montse Piñeiro
“LANTERNA MÁXICA”
17:00 – 19:00 | Taller de Isabel Méndez
“KIT DE SUPERVIVENCIA PARA CREADOR@S:
FERRAMENTAS LEGAIS PARA PROTEXER OS TEUS DEREITOS DE AUTORÍA”
O Encontro será presentado por Neves Rodríguez
17 Encontro Galego de Ilustración
INSCRICIÓN
Novo formato virtual
As charlas emitiranse en directo en formato webinar. O público poderá participar con preguntas por escrito, que serán formuladas pola presentadora ao final das charlas.
Asistencia gratuita previa inscrición
É preciso rexistrarse para asistir ao Encontro. As prazas son limitadas, e a inscrición farase a través da web…
bigmarker.com/series/EncontroAGPI
CHARLAS
10:05 – 11:20 | “MÁIS ALÓ DO JPG”
Por Javi de Castro | javidecastro.com
A charla afonda na faceta como ilustrador e debuxante de Javi de Castro analizando a súa experiencia no medio dixital.
11:30 – 12:45 | “VIDEOXOGOS E MANGA: PÓDESE VIVIR DISO?”
Por Susy Broullón | instagram.com/susy_broullon
A charla fai un percorrido pola traxectoria profesional da artista e amosa como o que comeza como unha afección pode chegar a converterse nunha profesión.
12:55 – 14:10 | “LANTERNA MÁXICA”
Por Montse Piñeiro | montsepinheiro.com
Esta charla versa sobre a relación entre o debuxo, a pintura e a luz, sobre os distintos usos dos recursos gráficos na videocreación e o interese en xerar un diálogo entre procesos dixitais e analóxicos á hora de crear material visual.
17:00 – 19:00 | “KIT DE SUPERVIVENCIA PARA CREADOR@S:
FERRAMENTAS LEGAIS PARA PROTEXER OS TEUS DEREITOS DE AUTORÍA”
Por Isabel Méndez | firmadopor.com
Neste obradoiro veranse os conceptos fundamentais dos dereitos de autoría e como xestionalos e protexelos, desde o coñecemento e a liberdade de saber que estamos firmando, como estamos compartindo as nosas creacións en internet ou que dereitos estamos cedendo nos nosos contratos.
PARTICIPANTES
JAVI DE CASTRO
Javi de Castro (León,1990) é un ilustrador e debuxante de BD, é o autor de obras como La última Aventura, Que no, que no me muero ou Larson. O seu traballo foi galardoado en 2016 como mellor autor revelación no Salón do cómic de Barcelona. Destaca ademais por outras iniciativas innovadoras dentro do mundo dixital, como a app Crímenes ilustrados, e pola súa faceta como autor de webcomic, que en 2020 o levou a ser nomeado a un Eisner e un Harvey pola súa obra The Eyes.
SUSY BROULLÓN
Susana Broullón (Cangas do Morrazo,1987) é artista senior de videoxogos. Iniciou a súa carreira como game artist en Gameloft, onde viviu de primeira man a expansión do mercado móbil en xogos e levou a cabo a arte conceptual e interface para diferentes títulos, entre os que destacan Despicable me: Minion Rush e a franquicia Asphalt. Actualmente traballa en King Barcelona, a empresa creadora de Candy Crush, participou en títulos como Bubble Witch 3 e se especializou na experiencia de usuario. Paralelamente, no seu tempo libre, realiza traballos de estética manga para editoriais e eventos.
MONTSE PIÑEIRO
Montse Piñeiro investiga a relación entre a luz e a imaxe en proxectos de diversa índole, e desempeña a súa labor principalmente nos ámbitos escénico e audiovisual. Especializada en iluminación, fórmase paralelamente como ilustradora e ceramista, e de forma autodidacta en videocreación e animación paso a paso. A artista crea pezas audiovisuais para as artes vivas a través do emprego do debuxo en proxeccións, animacións e ilusións ópticas.
ISABEL MÉNDEZ
Isabel Méndez é avogada e consultora especializada en propiedade intelectual. A través da súa consultoría, Firmado por, axuda a creadores, editoriais e empresas a xestionar e protexer o seu ben máis prezado, a propiedade intelectual das súas obras. Firmado Por naceu da vontade de axuntar os seus coñecementos e experiencia xurídica con aquilo que máis lle gusta e coñece de primeira man, a creación e as súas vicisitudes.
NEVES RODRÍGUEZ
aaag.gal/catalogo/nieves-rodriguez
Actriz e presentadora, ten participado en diversas series de televisión e en obras de teatro como Invisibles (Redrum Teatro, 2018). Obtivo o Premio Mestre Mateo á mellor comunicadora en 2018 polo seu traballo no programa Vaia troula! Entre 2014 e 2018 conduciu o programa radiofónico Metrópoles delirantes, dedicado á banda deseñada.
Equipo técnico: Bernal Prieto, Miguel Cuba e Elerre
Redes sociais: Aynara Pereiro e Miguel Nigure
