Fixéronse públicas as candidaturas para a edición 2012 do Premio Memorial Astrid Lindgren (ALMA), un dos máis importantes da literatura infantil e xuvenil no ámbito internacional. Na lista figuran a escritora Fina Casalderrey e mais o ilustrador Miguelanxo Prado entre un total de 184 candidatos de 66 países.
Os outros candidatos españois nomeados son Javier Sáez Castán (escritor/ilustrador), Miguel Calatayud e Elena Odriozola. Esta é a lista completa de candidaturas.
O nome dos gañadores darase a coñecer o 20 de marzo de 2012.