A xente da Asociación Galega do Libro Infantil e Xuvenil (GÁLIX) envíanos as bases do concurso seleccionador para o cartel do 32º Congreso Internacional de IBBY, que se celebrará en Santiago de Compostela no ano 2010.
Recordamos tamén que na AGPI temos en marcha outro concurso para a selección dun cartel promocional do asociacionismo, restrinxido nesta ocasión para os socios: Bases (PDF, 160 KB).
32º Congreso Internacional de IBBY
Santiago de Compostela, 2010
Concurso seleccionador do cartel do congreso
A International Board on Books for Young People (IBBY), organización non gubernamental fundada en Zúrich no ano 1953, celebra, con periodicidade bienal, o seu Congreso Internacional, foro do máis alto prestixio para o estudo, debate, difusión e promoción do libro infantil e xuvenil. Durante a celebración dos congresos internacionais de IBBY ten lugar, entre outras actividades, a entrega das medallas Hans Christian Andersen, os chamados premios nóbel da literatura e da ilustración creadas para nenos e mozos. No ano 2010 o Congreso Internacional de IBBY, na súa 32ª edición, terá lugar na cidade de Santiago de Compostela, encargándose da súa organización a Organización Española para el Libro Infantil y Juvenil (OEPLI), sección española da IBBY, a través da Asociación Galega para o Libro Infantil e Xuvenil (GÁLIX). Coa finalidade de escoller o cartel do 32º Congreso Internacional de IBBY, imaxe do devandito evento en todo o mundo nos anos previos ao da celebración do congreso e, por suposto, durante o 2010, OEPLI e GÁLIX convocan un concurso seleccionador que se rexerá polas seguintes
BASES
- Poderán participar neste Concurso todos aqueles creativos, ilustradores, deseñadores ou artistas nacidos en Galicia ou que teñan residencia na Comunidade Autónoma de Galicia.
- O cartel deberá ser orixinal, inédito e non premiado anteriormente. A técnica e o formato serán libres. No cartel, obrigatoriamente, deberán aparecer os siguintes textos:
Nun tipo de letra maior:
A FORZA DAS MINORÍAS / LA FUERZA DE LAS MINORÍAS / THE STRENGTH OF MINORITIES, lema xeral do congreso e tema ao que, en calquera das súas dimensión e segundo a libre interpretación que queiran facer os autores, deberá facer referencia o motivo do cartelNun tipo de letra menor:
32º CONGRESO INTERNACIONAL DE IBBY / 32th INTERNATIONAL IBBY CONGRESS
Santiago de Compostela, 2-7 de xullo de 2010 / 2-7 de julio de 2010 / 2-7 July 2010Ademais deberá terse en conta que no cartel terá que deixarse espazo para introducir, no momento da edición, os logosímbolos de IBBY, de OEPLI, de GÁLIX e da Xunta de Galicia.
- Cada concursante poderá presentar un máximo de tres traballos. O gañador ou a gañadora deste concurso obterá un premio de 6.000 euros, menos o IRPF vixente [15%], en concepto de merca dos dereitos de reprodución e de explotación pública da obra gañadora.
- Os orixinais deberán ser presentados en soporte físico orixinal coa súa correspondente embalaxe, sen sinatura nin sinal ningún que indique a súa procedencia. Deberá consignarse ao dorso o título específico de cada cartel ou o pseudónimo do autor ou autora. As obras irán acompañadas dun sobre pechado, identificado na súa parte exterior co título da obra ou pseudónimo do autor/a, e no seu interior depositarase una nota escrita a máquina ou ordenador, indicando o nome, apelidos, enderezo, código postal, poboación e teléfono de contacto do autor/a, así como fotocopia do seu Documento Nacional de Identidade
- O plazo de recepción de orixinais permanecerá aberto desde a publicación destas bases até o 1 de marzo de 2006, ás 20 horas. A presentación de traballos ao concurso realizarase, personalmente (os mércores, en horario de 11 a 14 horas, e os xoves, en horario de 11 a 14 horas e de 18 a 20 horas) na sede social de GÁLIX, Asociación Galega do Libro Infantil e Xuvenil (Rúa Galeras, 17, 1º, Local, 3, 15705 Santiago de Compostela, tlf/fax. 981 58 98 83) ou por correo, dentro do prazo establecido. Calquera orixinal que chegue despois das 20 horas do día 1 de marzo de 2006 quedará excluído do concurso.
- Os autores poderán recuperar os traballos presentados durante os dous meses seguintes ao fallo do Xurado, e as entidades convocantes non manterán ningún tipo de correspondencia ao respecto. As entidades organizadores non asumirán ningún tipo de responsabilidade por desperfectos nos orixinais presentados a concurso, se ben farán todo o posible para mantelos en perfectas condicións de conservación. Cumprido este plazo, as entidades convocantes arquivarán e/ou destruirán as obras que queden en depósito.
- O Xurado será nomeado polo comité organizador do 32º Congreso Internacional de IBBY. O fallo do Xurado será inapelable en todos os casos e poderá declarar deserto o concurso. O Xurado ten a potestade de completar, segundo o seu criterio, as omisións ou dúbidas que pudieran derivarse da interpretación destas bases.
- En cumprimento da vixente Lei de Propiedade Intelectual, as entidades convocantes obteñen do gañador ou gañadora do Concurso a cesión dos dereitos de explotación e reprodución da obra pero non o soporte material no que aquela se sustenta ou orixinal. Este orixinal, se así o desexa o gañador, poderá ser recollido polo mesmo unha vez que as entidades convocantes finalicen o proceso de impresión e tiraxe do cartel. As entidades convocantes reservan o dereito de organizar unha exposición pública con todas ou parte das obras presentadas.
- A participación neste Concurso supón a íntegra aceptación das súas bases.
Santiago de Compostela, 31 de decembro de 2005
