Desde hoxe ata o 10 de xuño pódese visitar no Espazo Emao da Escola Municipal de Artes e Oficios de Vigo a exposición «Soños Ilustrados: Kalandraka, 12 anos de álbum galego». A mostra reúne un grupo de ilustracións e traballos pertencentes a dez ilustradores: Ramón Trigo, Marc Taeger, David Pintor, Pablo Otero, Óscar Villán, Federico Fernández, Alicia Suárez, Juan Rivas, Francisco Pérez Porto e Kiko da Silva.
As obras desta mostra comisariada por Federico Fernández e Miguel Vázquez abarcan unha ampla variedade de estilos e disciplinas artísticas: obra pictórica, cerámica, banda deseñada, colaxe ou figuras tridimensionais.
Máis información e fotos da mostra, no blog da Biblioteca EMAO.