Mañá, sábado 8, serán inauguradas dúas mostras no MIHL — Museo Interactivo da Historia de Lugo (Parque da Milagrosa, Av. Infanta Elena, 27297 Lugo), dentro do ciclo de exposicións de artistas lugueses «8MIHL». Os nosos socios Miguel Fernández e Alberto Guitián serán os seus respectivos protagonistas: o primeiro, cunha exposición de orixinais de cómic, e o segundo, cunha monográfica do seu libro ilustrado El Circo Lorza.
Ambas poderán visitarse ata o día 22 de marzo. Xusto o día despois, inaugurarase no mesmo lugar a exposición doutro socio noso, Leandro, con traballos de humor gráfico.
