DÁMOSCHE A BENVIDA!
VAMOS COMEZAR
Estás nas redes sociais?
Queremos seguirte desde AGPI e compartir as túas novas.
Móstrate ao mundo!
Cun autorretrato, unha breve biografía e unha ligazón á túa web ou portafolio faremos oficial a túa entrada na AGPI.
Envíanos esta información a
FERRAMENTAS DA AGPI
1. Páxina web
En agpi.es podes consultar noticias, actualizar a túa galería, descargar publicacións etc. Ademais, estamos traballando na renovación da web para ofrecer un mellor servizo aos nosos asociados. Tamén podes encontrar consultar o listado de tendas nas que podes obter un desconto por ser socio da AGPI.
2. Grupo de correo xeral
A través do grupo podedes consultar dúbidas profesionais, compartir noticias e crear debates relacionados coa profesión.
3. Asemblea xeral
Unha vez ao ano os socios son convocados a unha asemblea xeral, que coincide co Encontro anual de ilustración e o Xantar de confraternización. Aquí resolvemos conflitos, facemos un resumo do labor da xunta directiva, presentamos futuros proxectos e renovamos a directiva. Calquera pode presentarse como vogal para botar unha man, e tamén se pode colaborar externamente en proxectos e actividades puntuais.
4 .Redes sociais da AGPI
COMUNÍCATE COA XUNTA DIRECTIVA
Difusión de eventos e noticias
Se queres que difundamos algo relacionado co mundo da ilustración envía un e-mail á secretaría técnica correo@agpi.es con toda a información e algunha imaxe ou enlace para acompañar.
Asesoría xurídica e fiscal/laboral
Tamén en correo@agpi.es podes consultar dúbidas sobre temas legais e fiscais, pero sempre recomendamos a lectura previa dos libros de referencia. Dispoñemos de profesionais que nos asesoran cando no temos información relevante para o teu caso.
Problemas coa web
Se esqueciches o teu contrasinal para a zona de socios ou tes problemas coa web contacta a través de webmaster@agpi.es
LIBROS DE CABECEIRA
Se tes algunha dúbida respecto a cuestións fiscais, legais, contratos etc., antes de preguntar no grupo de correo ou na secretaría consulta estes documentos.
Guía Ninja do Ilustrador
Pensada especialmente para profesionais noveis, pero non só.
Libro Blanco de la Ilustración
Manual práctico para profesionais da ilustración.
USO DA LISTA DE CORREO
O grupo de correo é un Google Groups e desde el podes consultar o historial de correos por se unha dúbida que teñas xa foi formulada. Entra en Mis grupos e aí aparecerá o grupo de AGPI.
Para iniciar un tema ou unha consulta só tes que enviar un correo a agpi@googlegroups.com e utilizar un asunto claro e conciso.
Non crees fíos duplicados sobre un tema porque iso crea información redundante e dificulta as buscas por temas.