Esta mañá, en coincidencia coa celebración do Día Mundial do Libro, desenvolveuse en Santiago de Compostela o acto de constitución do Foro Reimprímete, unha
iniciativa da Asociación Galega de Editores e do Clúster do Produto Gráfico e do
Libro Galego. O acto contou coa presentación e lectura dun manifesto a cargo da escritora Rosa Aneiros, no que se reivindica a importancia cultural, educativa e
socioeconómica do papel, do libro e da propiedade intelectual dentro do
proceso de hibridación que se establece coa intervención dos novos
soportes tecnolóxicos.
O novo foro conta co apoio de dezasete entidades
empresariais e profesionais, entre as que está a AGPI. Xuntas, representan máis de 500 empresas e 1300 profesionais de toda a cadea de valor do sector.
Foto: CPGLG
