Mañá, mércores 21, será a apertura ao público da tenda Zoográfico (avenida da Atlántida 32, 36208 Vigo). Ata o de agora, Zoográfico era un espazo que funcionaba como taller-estudio de Aida Alonso, Antía Sánchez e Sergio Covelo, ademais de academia de debuxo, pintura e reciclaxe artística. A partir de mañá será tamén unha tenda con material artístico e papelaría, que abrirá a partir das 10:00 h. Durante os primeiros días contarán cun desconto especial
Alén de venda de material, na tenda haberá unha pequena galería con debuxos e ilustracións, aberta a obras de calquera ilustrador interesado (inicialmente, cada autor pode levar ata dúas láminas, de non máis de 65 × 40 cm, debidamente protexidas).
Por tratarse do primeiro día deste novo espazo, mañá pola tarde haberá inauguración con merenda para os presentes.
