Alberto Vázquez inaugura exposición na Coruña

O noso socio Alberto Vázquez inaugura mañá, venres 2 de agosto, a exposición «Comunicación no-verbal». Será na galería 9the13 (rúa das Tabernas 9,
15001 A Coruña) ás 20:00 h. A mostra é unha selección de corenta e sete orixinais de ilustracións publicadas na sección de psicoloxía de El País Semanal, para a que Alberto leva traballando nos últimos seis anos. Trátase de traballos realizados con plumiña e acuarelas con gamas de cor limitadas, con intención «claramente narrativa».