A nosa socia Almudena Aparicio, tras a súa participación no II Concurso Internacional de Ilustración convocado pola axencia británica Plum Pudding e a editorial Egmont dentro do marco de IlustraTour 2013, resultou galardoada co primeiro premio.
O obxectivo do premio é apoiar os ilustradores na súa profesionalización e no seu posicionamento no mercado internacional, polo que Almudena contará co asesoramento de Plum Pudding para crear un portafolios enfocado ao mercado internacional e ampliar a súa base de clientes potenciais. Ademais, poderá visitar a sede de Egmont, a editorial máis prestixiosa de Europa, e coñecer as súas instalacións e o seu equipo creativo.
