A serie Thom, do noso socio Andrés Meixide, ten xa un libro que recolle unha selección das súas tiras diarias. Nacida inicialmente nas páxinas da revista Golfiño, contara cunha edición en forma de álbum daquelas páxinas e foi despois recuperada, ata hoxe, como tira de BD para o xornal La Voz de Galicia.
Agora é a editorial madrileña Reino de Cordelia a encargada de publicar unha escolma desta época actual. Así, o libro Thom vén prologado polos humoristas gráficos Gallego & Rey, e é o segundo volume da colección «Los tebeos de Cordelia», que comezou hai poucos meses cun auténtico clásico das tiras de prensa: Little Sammy Sneeze, de Winsor McCay.