A nova banda deseñada de José Domingo, Aventuras de un oficinista japonés, chegará ás tendas o próximo 12 de decembro, mais pode ser reservada xa, con desconto especial para os primeiros exemplares, a través da web de Bang Ediciones, a casa que publica a obra ao mesmo tempo nos mercados español e francés.
O libro, de 120 páxinas en cor, conta cun prólogo de David Rubín e un epílogo de Miguel B. Núñez. A primeira presentación será no Salón del Cómic de Zaragoza, entre o 16 e o 18 de decembro. Xa en xaneiro comezarán as actividades de lanzamento en Galicia.
