Acábanse de publicar as bases da 19ª convocatoria do Premio Internacional de Ilustración da editorial SM. O prazo de entrega será do 1 ao 31 de xaneiro do 2009 e hai un único premio dotado con 12.000 euros (importe que neste caso, e ao contrario do que ocorre en non poucos concursos, non se computará a conta dos dereitos de autor que se estipulen no contrato de edición. É dicir: é un premio dos de verdade, non un adianto máis ou menos xeneroso de dereitos de autor).
- Bases completas do Premio SM de Ilustración 2009 (PDF 1,2MB)
Esta editorial convoca anualmente varios premios; como vén sendo habitual, a diferencia do importe dos premios entre as distintas categorías é considerable:
– Premio SM de Ilustración (álbum ilustrado): 12.000 euros
– Premio de Literatura Infantil (El barco de vapor, castelán): 100.000 euros
– Premio de Literatura Xuvenil (Gran Angular, castelán): 100.000 euros
¿Será que as ilustracións devalúan os libros? Ou haberá outra razón que descoñecemos. En calquera caso, benvidos sexan.
