Caricatura de M. Torga, por D. Pintor.
(Clic para ampliar)
David Pintor acaba de gañar o 3º premio do Salão Luso-Galaico de caricatura de Vila Real 2007, que este ano está adicado ó poeta luso Miguel Torga. O día 23 de xuño ás 21h inaugurarase o Salão na Galería do Teatro Municipal de Vila Real, coa entrega dos premios e a festa da caricatura. Estarán presentes, ademáis dos premiados, outros artistas galegos e portugueses que farán caricaturas en vivo. A exposición estará aberta ó público ata o 31 de xullo, e logo viaxará a Ourense onde será exposta no Museo Municipal, como nos anos anteriores.