David Rubín, no salón do cómic de Andorra

O noso socio David Rubín —cuxo libro El héroe 2 quedou esta semana finalista do I Premio Zona Cómic (outorgado pola asociación de librarías especializadas do mesmo nome)— visita entre hoxe e o domingo 24 o Massana Còmic, salón andorrano que chega á súa décimo sétima edición. Alí participará en sesións de sinaturas de exemplares das súas publicacións e terá unha exposición de orixinais de El héroe, que ofrece un repaso ao proceso creativo da obra, incluíndo bosquexos, páxinas a tinta e mostras de acabado final a cor, ao longo de case 40 pranchas.

Compartir