En plena celebración dos xogos olímpicos, e en relación coa temática de contidos dos campamentos de verán organizados polo Concello da Coruña, o Centro Ágora (rúa Ágora, 15010 A Coruña) acolle a exposición Tito y Yeti, personajes de olimpiada.
A mostra consta de 32 páxinas con historias autoconclusivas das series de banda deseñada Tito Longueirón (creada por Pinto & Chinto para a revista Golfiño) e Yeti, deporte X-tremo (por Santy Gutiérrez para a revista Míster K).
Ambas as series, enfocadas a un público xuvenil, teñen en común a temática deportiva: Tito Longueirón, en torno aos deportes olímpicos, e Yeti, en torno aos de risco e aventura.
A exposición está comisariada por Manel Cráneo, e poderá vistarse durante todo o mes de agosto.
