A Deputación da Coruña deu a coñecer o venres o novo Premio Castelao de Banda Deseñada: a historia Catálogo oneroso de beleza gratuíta, do noso socio Fran Bueno. O premio está dotado con 6500 euros e a edición do libro. O xurado, formado por Miguelanxo Prado, Ángel de la Calle e Carlos Portela, destacou da da obra premiada «a perfección técnica e o desenvolvemento das posibilidades expresivas da historieta, tanto temática como formalmente, o acertado uso da cor e a habilidade para entretecer fíos de humor ao longo do libro», así como a «capacidade estilística impecable e a variedade de recursos gráficos».
Ademais, quedou como finalista a obra O misterio do Pico Sacro, de Rafael Saldaña.