A obra Ícaro, do ilustrador Federico Delicado, foi distinguida co VII Premio Internacional Compostela de Álbum Ilustrado, dotado con 9000 euros e coa publicación nas cinco linguas peninsulares. O xurado do certame destacou da obra gañadora a súa «perfecta simbiose entre texto e ilustración, que se complementan mutuamente e ofrecen múltiples lecturas».
Ademais, o xurado declarou finalista o álbum Sonho Com Asas, de Fátima Afonso e Teresa Martinho Marques, e recomendou a edición de Antoni Gaudí, de Dàlia Adillón; Pescadoras, de Nadia Menotti; e Máquina Ballena, do noso socio Federico Fernández e mais Germán González Pintos.
