Pretty Deadly, a serie que a nosa socia Emma Ríos preparou con guión de Kelly Sue DeConnick, chega hoxe ás librarías norteamericanas na versión en papel, e en formato dixital á tenda en liña da Image Comics, casa editora.
A serie, definida como «unha mestura entre o realismo máxico de The Sandman e a brutalidade de Predicador», é unha creación orixinal das dúas autoras, polo que xera dereitos de explotación para ambas (un dato relevante no mercado americano, onde é habitual que ditos dereitos pertenzan só aos guionistas ou á editorial).
Actualización (24/10/2013): Image Comics anuncia xa a reedición do número 1 de Pretty Deadly, ao esgotarse a primeira tiraxe no propio día de aparición.