A OEPLI deu a coñecer as obras seleccionadas (polas súas catro seccións, Gálix no caso galego) como representantes de España no concurso internacional da Bienal de Ilustración de Bratislava (República Checa). Entre os quince ilustradores seleccionados están os nosos socios Dani Padrón (pola obra Pan de millo), David Pintor (por Lisboa) e Xan López Domínguez (por Las aventuras de la bruja
Fritanga e Los sueños de la jirafa).
O resto de seleccionados foron Adolfo Serra, Albert D. Arrayás, Alicia Varela, Edu Flores, Elena Odriozola, Ester García, Federico Delicado, Francisco Solé, Iratxe López de Munáin, Javier Zabala, Miguel Cerro e Sylvia Vivanco.
Comeza agora a seguinte fase, en que o xurado seleccionará os gañadores de entre as obras presentadas por institucións de todo o mundo, e cuxos resultados se darán a coñecer en setembro.