Marcopola 2: Los piratas de la Luna é o título en castelán da segunda entrega da serie de BD infantil do noso socio Jacobo Fernández Serrano. O volume xa fora editado o ano pasado en galego por Xerais, e agora é o selo Mamut, de Bang Ediciones, o que saca ao mercado as versións castelá, catalá e francesa.
Jacobo, que está xa a traballar no terceiro capítulo da serie Marcopola, ilustrou recentemente tamén o libro Las aventuras de Tachín, con textos de Lucía Baquedano.
