Este xoves,
3 de maio, a partir das 18:00, presentarase en primicia do álbum Castelao:
O pobre tolo, primeira entrega da serie que Inacio e Iván Suárez están a realizar sobre a vida de Afonso Daniel Rodríguez Castelao —e á que pertence tamén Titoán, capítulo aínda inédito que recibiu o Premio Castelao de BD da Deputación da Coruña en 2011—.
O acto de lanzamento será na librería Komic (rúa de San Pedro de Mezonzo 34, 15701 Santiago de Compostela), onde poderá adquirirse os primeiros días, antes da súa chegada ás
outras librarías galegas. Komic é coeditora do libro, con Demo Editorial, como parte das
actividades de celebración do seu 25.º aniversario.
O día seguinte, 4 de maio, ás 17:00, terá lugar a inauguración da exposición de orixinais do libro, no Centro
Sociocultural do Ensanche (rúa de Fray Rosendo Salvado 14-16, 15701 Santiago de Compostela), coa presenza dos autores e do concelleiro de Cultura da cidade. A mostra poderá visitarse ata o próximo 19 de maio.