Este xoves día 15, ás 22:00, o noso socio Luis Sendón inaugura a exposición Metal & Punk, na coruñesa Cervezoteca Malte (rúa das Panadeiras 20, 15001 A Coruña).
A inauguración será dous días antes do concerto da banda Nashgul na Sala Mardigras que servirá para conmemorar o décimo aniversario do grupo. Na mostra poderanse ver os carteis, vinilos, camisetas e cedés que Luis Sendón veu facendo para esta banda na última década, así como para outros grupos do xénero como Brutal Truth, Macabre ou Looking For An Answer, ou festivais internacionais como o SWR Metal Fest de Portugal ou o Obscene Extreme checo.
A exposición estará aberta ata o próximo 15 de xaneiro, diariamente a partir das 18:00 h.
