Este venres, día 28, ás 18:00 h, Álvaro López e Luis
Sendón presentarán a súa obra Sálpock: O val dos Cegos na librería Kómic (rúa San Pedro de Mezonzo 34, 15701 Santiago de Compostela).
Os mesmos autores, xunto con Manel Cráneo, estarán o sábado 29 ás 12:00 h a presentar a colección HäinöS —á que pertence o libro e mais Cousas de mortos—, dentro do programa festival Freakemacine, na Fundación Luís Seoane (rúa San Francisco s/n, 15001 A Coruña). Ao longo da xornada, Demo, a editora destas obras, contará cun espazo de venta na feira que estará localizada no patio da Fundación; alí, os autores asinarán exemplares e poderán adquirirse as obras e mais produtos de merchandishing relacionados con elas.
Luis Sendón é ademais noticia porque acaba de lanzar un novo proxecto, Reflejos del Abismo, blog en que ilustra relatos fantásticos de Carlos Dopico.
