A revista Dot Magazine promoveu a través de crowdfunding, a mediados deste ano, a edición dun libro sobre a ilustración en Galicia,
para celebrar os dez anos que a publicación cumprirá en 2015. O volume,
titulado IlustraDots: 50 ilustradores gallegos actuales, está xa listo e presentarase mañá, venres 12 de decembro, a partir das 20:00 h, en La Estacion Coworking (rúa María Berdiales 39, 36203 Vigo). Haberá unha exposición de láminas de todos os ilustradores, e unha actuación de Juanma Lodo Epicuro.
No libro poden encontrarse traballos dos nosos socios Carlos Arrojo, Michel Casado, Sergio Covelo, Nuria Díaz, Pedro Díaz, Federico Fernández, Alberto García Ariza, Silvia García, David Pintor, Bernal Prieto, David Rubín, Alberto Vázquez e Óscar Villán.