A Fraga Milmañas, o último libro publicado ata o de agora polo noso socio Manel Cráneo —unha selección de páxinas da serie homónima de banda deseñada realizada por el e o guionista Carlos Amil, dirixida a lectores de a partir de 6 anos— ten xa datas de presentación pública. A primeira será esta mesma tarde, ás 18:00 h, na Librería Kómic (rúa San Pedro de Mezonzo 34, 15701 Santiago de Compostela).
A segunda será mañá, sábado 8, na Libraría Biblos (rúa de Santiago 4, 15300 Betanzos, A Coruña), cun «Obradoiro express de debuxo» para a rapaces, tamén ás 18:00 h.
A terceira desta primeira rolda de presentacións será o venres 14 de febreiro, ás 19:00 h, na Tenda Demo Editorial (rúa Gramela 23-baixo, 15010 A Coruña), cunha charla dos autores e sesión de sinaturas.
