A editorial Xerais acaba de publicar o libro “Sopa de Xarope de amora”, obra gañadora do IV premio Manuel María de Literatura Dramática Infantil 2009, escrito por Xosé A. Neira Cruz e ilustrado pola nosa socia Marta Álvarez.
A obra relata as peripecias do doutor Amorodo, científico ao servizo das casas reais, que vive completamente namorado de dona Chismunda. O humor, a parodia das linguaxes teatrais e televisivas e a crítica aos poderes establecidos están presentes ao longo de toda a historia.