O libro Un misterio na mochila de Alba, escrito por Fina Casalderrey e ilustrado por Xosé Cobas, será presentado esta semana en diversas localidades galegas. Nas charlas, a escritora e o ilustrador estarán acompañados polo editor, Antonio Ventura.
Os actos decorrerán entre hoxe e o xoves, sempre ás 18:30, en Ourense, A Coruña, Vigo e Santiago de Compostela. Así, hoxe, 21 de novembro, a charla será no Centro Cultural Deputación de Ourense (rúa do Progreso 30, 32003 Ourense); mañá, martes 22, será na Coruña, na Biblioteca Pública Miguel González Garcés (rúa Miguel González Garcés 1, 15008 A Coruña); o mércores, día 23, en Vigo, no Verbum – Casa das Palabras (avenida de Samil 17, 36212 Vigo); e finalmente o xoves, en Santiago, na Biblioteca Novacaixagalicia (rúa Frei Rosendo Salvado 14-16, 15701 Santiago de Compostela).
