A Asociación Profesional de Ilustradores de Madrid (APIM) organiza, dentro das súas «Tertulias de ilustración», unha charla co noso socio —e directivo— Xan López Domínguez como convidado. O título do faladoiro é «En busca de las historias perdidas» —parafraseando o título do seu libro Mis historias perdidas—, e terá lugar este xoves, 17 de novembro, ás 19:00 h, na sala de proxeccións do Museo de la Biblioteca Nacional (P.º de Recoletos 20-22, 28001 Madrid).
A entrada é gratuíta, e non é necesaria inscrición, aínda que o aforo está limitado a 50 persoas.
