Xosé Tomás parte para a capital de Nixeria, Abuja, convidado pola Embaixada de España do país, a impartir un curso de ilustración infantil a ilustradores nixerianos. Dito curso terá lugar entre os días 19 e 23 de abril, rematando o propio día internacional do libro. Segundo o ilustrador, o interese dos servizos culturais da Embaixada céntrase na análise e posta en práctica da ilustración non tanto como forma de expresión artística, senón como ferramenta de comunicación cos lectores, grazas ao seu potencial para contar historias visuais.