Construír espazos de intercambio de ideas e compartir os retos que xorden na práctica diaria tamén forma parte, para nós, da ilustración coma oficio.
Por iso, foi un verdadeiro pracer ter este espazo para a conversa no Salón do Libro de Pontevedra o pasado 8 de maio.
Se non puideches asistir, agora tes ocasión de escoitar o faladoiro, no que Cristian Fojón, Inés Casajeros e Miguel Porto, moderados por Óscar Iglesias, charlaron sobre o espírito do fanzine e outras posibilidades de autoedición do traballo de ilustración. Moitas grazas a todas as persoas que viñéstedes conversar e fixéstedes as vosas valiosas achegas.
